سهام لو أمدح فيها لين باجر ما أوفيها حقها، كنت أخاف من الأكل بشكل ما ينوصف وما يدخل جسمي شي إلا وأيلس افكر فيه وكيف ممكن يغير شكلي و وزني، غير اني كنت اتحكم بالكميات والنوعية بشكل مبالغ فيه! الحمدلله مع سهام تغلبت على هذا الشي، كنت مستحيل اكل اكثر من وجبتين في اليوم وأرفض أشارك أهلي الاكل. لكن الحين صرت اكل براحه وبدون تأنيب ضمير وأسمع لجسمي أكثر، جداً فخوره بالتغيير والتطور اللي وصلت له بفضل الله وفضلها

انا شهد مشتركه من تقريبا ٥ شهور 

اعاني من binge eating وكنت بدوامة الانضباط ثم الشراهه وهكذا

وكنت بمرحلة جداً يائسه الى ما اشتركت مع الاخصائيه سهام مشينا خطوه بخطوة وعطينا كل مرحله وقتها 

الجلسات رائعه ومثمره وايضاً سرعة الاجابه لما اكون بموقف متردد جداً كانت مساعده 

اشكرها لانها حولتني وغيرتني تغيير جذري

اول شي ببدايه اشتراكي معاج، كنت ابحث عن شخص يساعدني بإني ارجع افهم نفسي، ويفسر لي ليش حياتي صارت محورها الاكل والرياضه والشكل وبعيد كل البعد عن الصحة! كنت حاسه ان في شي غلط بتعلقي بالارقام وشلون الاكل والرياضه والوزن كان اهم شي بحياتي اهم من نفسيتي وحياتي الاجتماعيه وغيرها.. 

معاج عيوني تفتحت أكثر على شخصيتي، على اني اكبر من جسم وارقام وجم سعره كليت وجم خطوه مشيت.. صرت استمتع مع اهلي وبالجمعات عكس قبل اشتراكي كان كل تفكيري الاكل بالجمعه 

الرياضه والمشي والخطوات وغيره.. اكتشفت ان انا انسانه أحب الحركه ونشيطه ومو محتاجه ساعه او رقم يدل على نشاطي..

.

علمتيني اكون لطيفه ومتسامحه مع نفسي، وان الحياه اجمل وامتع من اني اعيش بدائرة الارقام وعمري يضيع بس لاني بوصل لرقم معين.. بديت احب شكلي واسعى اني اكون اقوى .. باختصار تجربتي معاج كانت من أفضل التجارب الي عشتها برحلتي وان شاء الله مستمره معاج باذن الله 

الاخصائية سهام ساعدتي أفهم نفسي وجسمي وعلمتني كيف أحب نفسي واكون لطيفة معاها. من غير مبالغة أفضل قرار اتخذته سنة 2021. ممتنة لها جداً جداً

الله يسعدك زي ما اسعدتيني وغيرتي حياتي للأفضل. أنا قبل مختلفة تماما عن الحين ، مو بس في أكلي وتحسن حالتي لا حتى في شخصيتي تغيرت! تعلمت كيف اتعامل مع مشاعري ومع الناس وكيف اتخذ قرارات بحياتي مختلفة كانت ناتجة من الإضطراب. ما زلت مستمرة معاك وبستمر أكثر لأنك فعلا كنز

Dietitian Seham I’m so pleased that I found you. Working with you is a real life changing, all of your efforts I’ll not forget at ALL.

ما تعاملت مع أي مختصة نفسك ونادر نلقى احد مختص بإضطرابات الأكل قادر يتعامل مع الحالات بطريقة محترفة. وعيتيني على اشياء كثير وللحين ما انساك انا وماما من دعائنا

بدايتي مع الأنوركسيا كنت شخص غير، كنت اتوقع بس انا اللي فيني اضطراب واعتقد انه شي مو صحيح او نادر بس لما عرفتك كل شي تغير. فهمت انه مو عيب العلاج وكنتي معي خطوة بخطوة. ما أنسى لما قلتي لي " يا نورة انتي ذكية". اكتشفت شخصيتي اكثر معك والاكل صار صديقي. شكرا إلى مالا نهاية!

انا سلطان، تم تشخيصي باضطراب طعام وبدأت اتعالج مع فريق طبي ومن ضمنهم الاخصائية سهام 

سعيد بهذه الخطوة وانصح أي شاب يعاني بأن يهتم بصحته ويبدأ بأي طريقة كانت. تعلمت من الاخصائية سهام انه مو انا الشخص الوحيد المصاب وماهو غلط اني اعاني ولا هو ضعف مني، ولكن الغلط النكران